احلام مشرف
عدد المساهمات : 250 نقاط : 332 السٌّمعَة : 0 تاريخ التسجيل : 04/01/2011
| موضوع: لمََّا أشوفك السبت يناير 08, 2011 10:55 am | |
| لمََّا أشوفك
هابقى أقولك
لما كل ذرَّه من كيانى
تاخدك تضُمِّك
لما كل نقطة دم ف عروقى
تجرى فى دمك
وقتها... هاتعرفى
انا ليه بحبك
وماتنكريش
ان أول كلمة حب
نطقتها شفايفك
كانت لأسمى
متخيله .. شكلى ورسمى
ورغم انى ماشوفتكيش
الكلمه دى
خلليتنى أعيش
وطهرت لى القلب
اللى أصبح وكر للخفافيش
اخد القرار
انه بيك.. وبنبض ألبك
ناوى يعيش
وهاقول يادنيا .. مابترحميش
واختارك انتى
لانك انتى ماسيبتنيش
لكن .....
جوَّايا كلمه
بيحس بيها كل طفل
مفتقد... لصدر امه
ف الظُلمه
او بيحس بيها كل غريب
وبعيد.. عن التربه
خايف يجيه الموت
او يندفن فى تابوت
وتقل زوَّاره
واللى شايلين له الرحمه
طلب أخير... يام قلب كبير
ادعيلى بالعوده
علشان اضمك....علشان اقولك
انى.... بحبك
| |
|